कैलाली जिल्लाको मध्यवर्ती क्षेत्रमा रहेको घोडाघोडी नगरपालिका विश्वमान चित्रमा परिचित रहेको प्रकृतिको वरदान घोडाघोडी तालको नामवाट वि.स. २०७१ मंसिर १६ गते दरख,साडेपानी र रामशिखरझाला गा.वि.स. मिलेर नगरपालिकाको नामाकरण गरि स्थापना भएको हो र पछि नेपालको संविधान,संघीय नेपालको संरचना बमोजिम  वि.स. २०७३ फागुन २२ गते पहलमानपुर गा.वि.स. समेत जोडी  नेपाल सरकारको निर्णय अनुसार गठन भएका ७५३ स्थानीय तह मध्ये एक हो । यस नगरपालिकाको पूर्वमा बर्दगोरिया गाउँपालिका,पश्चिममा गौरीगंगा नगरपालिका,उत्तरमा मोहन्याल गाउँपालिका र दक्षिणमा भजनी नगरपालिका , कैलारी गाउपालिका र जोशीपुर गाउपालिका रहेका छन् । समुद्र सतह देखि २०५ मिटर उचाईमा रहेको यस नगरपालिकाको क्षेत्रफल ३५४.४४ वर्ग कि.मि.रहेको छ । कैलाली जिल्लाका १३ वटा स्थानीय तह मध्ये  घोडाघोडी नगरपालिका क्षेत्रफलका हिसावले तेस्रो ठुलो स्थानीय तहको रुपमा रहेको छ।प्राकृतीक स्रोत साधनले सम्पन्न मानिने घोडाघोडी नगरपालिका भाषिक र साँस्कृतीक दृष्टीकोणले पनि...